30-июлда Чолпон-Ата шаарындагы “Рух-Ордо” маданий борборунда Садыр Жапаров Өзбекстандын Президенти Шавкат Мирзиёевди мамлекеттик сапарынын алкагында расмий тосуп алды.
Салтанат мамлекеттик гимндердин жаңырышы, Ардак кароолдун тизилиши жана 40 этно-жоокердин катышуусу менен өттү. Андан соң эки өлкөнүн лидерлери Ардак кароолдун катарын кыдырып, расмий делегациялардын мүчөлөрү менен таанышышты.
Расмий тосуп алуу аземинен кийин президенттер бетме-бет сүйлөшүү өткөрүү үчүн боз үйгө бет алышты. Жолугушуунун алдында мамлекет башчылары биргелешип сүрөткө түшүштү.
