Бүгүн, 18-августта Министрлер Кабинетинин Төрагасы Адылбек Касымалиевдин төрагалыгында Фискалдык жана инвестициялык саясат боюнча Кеңештин кезектеги жыйыны болуп өттү.
Жыйында “Кыргыз Республикасынын 2027–2031-жылдарга фискалдык саясаттын негизги багыттарынын долбоору” каралды.
Баяндаманы финансы министри Руслан Суйналиев жасады. Жыйындын жүрүшүндө 2027–2031-жылдарга кирешелердин жана чыгымдардын параметрлери, инфраструктуралык долбоорлорду каржылоо маселеси, ошондой эле ар кандай багыттар боюнча мамлекеттик чыгымдар талкууланды.
Кеңири талкуудан кийин Кеңеш долбоорду бир добуштан жактырды.
