11-августта Президенттин Администрациясында “Эл үмүтү” эл аралык стипендиясын ыйгаруу боюнча Республикалык комиссиянын жыйыны өттү.
Жыйынга Министрлер Кабинетинин Төрагасынын орун басары Улан Маматканов төрагалык кылды.
“Эл үмүтү” стипендиясы таланттуу жана максаттуу жаштарды колдоо максатында негизделген. Анын алкагында жаштарга QS World University Rankings жана Times Higher Education дүйнөлүк рейтингдеринин алдыңкы 100 сабына кирген чет өлкөлүк жогорку окуу жайларында магистратура жана докторантура (PhD) программаларында билим алуу мүмкүнчүлүгү берилет.
