Кыргызстан менен Кытайдын биринчи айымдары Бишкектеги Мамлекеттик тарых музейине барып, кыргыз элинин улуттук каада-салтын жана маданий мурасын чагылдырган көргөзмөлөр менен таанышты.
Иш-чаранын жүрүшүндө конокторго кыргызстандык жана кытайлык дизайнерлердин улуттук элементтерди камтыган коллекциялары тартууланды.
Ошондой эле биринчи айымдарга кыргыз аялзатынын салттуу баш кийиминин тарыхына жана маанисине арналган «Элечек — кыргыз аялзатынын баа жеткис мурасы» аттуу маданий программа көрсөтүлдү.
Иш-чара эки өлкөнүн маданий байланыштарын чыңдоого жана кыргыз элинин бай тарыхый-маданий мурасын таанытууга багытталды.
