Күн мурун, 14-сентябрда Суу ресурстары, айыл чарба жана кайра иштетүү өнөр жайы министрлигинин өкүлдөрү Азия өнүктүрүү банкынын консультациялык миссиясы менен жолугушту.
Маалыматка ылайык, жолугушууда айыл чарба, азык-түлүк коопсуздугу, суу ресурстарын башкаруу жана айыл аймактарын өнүктүрүү багыттарындагы кызматташуу мүмкүнчүлүктөрү талкууланды.
Ошондой эле калкты суу менен камсыздоо, ирригациялык системаларды жакшыртуу жана айыл чарба тармагындагы долбоорлорду каржылоо маселелери каралды.
Жолугушуунун жыйынтыгында жаңы долбоорлорду иштеп чыгуу жана ишке ашыруу боюнча кызматташтыкты улантуу тууралуу макулдашууга жетишилди.
