“Түндүк” мобилдик тиркемесинде айдоочулук күбөлүккө байланыштуу айрым электрондук кызматтар убактылуу көрсөтүлбөйт. Бул тууралуу “Кызмат” мамлекеттик мекемесинен билдиришти.
Маалыматка ылайык, чектөө 1-октябрда саат 12:30дан 3-октябрда саат 12:30га чейин күчүндө болот. Бул убакыт аралыгында система жаңыланып, жаңы электрондук кызматтар ишке киргизилет.
Убактылуу жеткиликсиз болгон кызматтар:
айдоочулук күбөлүктү биринчи жолу алуу;
күбөлүктү жоготуп алган учурда кайра алуу;
айдоо укугунан ажыратуу мөөнөтү аяктагандан кийин күбөлүктү кайтарып алуу;
кайра даярдоодон өткөндөн кийин жаңы категория алуу;
убактылуу айдоочулук күбөлүк алуу.
Кызматтар келерки аптанын башында кайра ишке кириши күтүлүүдө. Кызматтардын жеткиликтүүлүгү калыбына келтирилгенде кошумча маалымат берилет.
