5-октябрда «Бишкек Арена» стадионунун ачылыш аземине бара турган жарандар үчүн акысыз автобус каттамдары уюштурулат. Бул тууралуу Бишкек шаардык мэриясынан билдиришти.
Майрамдык иш-чарага көрүүчүлөрдү жеткирүү үчүн 10 автобус каттамы ишке тартылат. Автобустар белгиленген пункттардан «Бишкек Аренага» саат 15:00дөн 18:00гө чейин каттайт.
Акысыз автобустар төмөнкү жерлерден жөнөйт:
- «Өчпөс от» (Ибраимов — Фрунзе көчөлөрүнүн кесилиши);
- «Батыш автобекети» (Жибек жолу проспекти — Кулиев көчөсү);
- «Киркомстром» (Барпы Алыкулов көчөсү, 32);
- Асанбай кичи району (А. Токомбаев көчөсү, 3/7);
- «Ак-Кула» автобекети (Кожомкул айылы, Фрунзе көчөсү, 13Б/1);
- Аламүдүн-1 кичи району (Ауэзов көчөсү, 4);
- Көк-Жар конушу (Ахунбаев — Достоевский көчөлөрүнүн кесилиши);
- Т. Фрунзе көчөсү (Гагарин көчөсү, 284);
- Абдымомунов көчөсү, 220;
- Сухэ-Батор көчөсү, «Глобус» дүкөнүнүн жанынан.
Каттамдар «Бишкек Аренага» барып, иш-чара аяктагандан кийин жарандарды кайра белгиленген жөнөө пункттарына жеткирет.
Мэрия шаар тургундарын жана борбор калаага келген конокторду жеке унаанын ордуна уюштурулган акысыз автобустарды пайдаланууга чакырды.
