Жалал-Абад облусунун Аксы районунда калктуу конуштардын коопсуздугун камсыз кылуу жана жер көчкү коркунучун азайтуу максатында жер көчкүнү мажбурлап механикалык жол менен түшүрүү иштери жүргүзүлүүдө.
Жалал-Абад облустук Өзгөчө кырдаалдар башкармалыгынын маалыматына ылайык, бул үчүн атайын инженердик долбоор иштелип чыгып, анын негизинде практикалык иштер башталган. Белгиленгендей, мындай ыкма Кыргызстанда биринчи жолу колдонулууда.
Долбоордун негизги максаты – жер көчкү коркунучунун алдын алуу, калктын өмүрүн жана турак жайларын коргоо. Иш-чаралар эл аралык өнөктөштөрдүн колдоосу менен ишке ашырылып, долбоорду Азия өнүктүрүү банкы каржылоодо.
ӨКМ жарандардын коопсуздугун камсыздоого багытталган алдын алуу иштери мындан ары да улантыларын билдирди.
