Президентинин өзгөчө тапшырмалар боюнча атайын өкүлү Бакыт Төрөбаев Каракол-Эңилчек автожолунун курулушунун жүрүшүн текшерди.
Бакыт Төрөбаев курулуштун жүрүшүн карап чыгып, объектилерди текшерип, долбоорду ишке ашыруу боюнча подрядчылардын жана жооптуу мамлекеттик органдардын өкүлдөрүнүн отчетторун укту.
Бекитилген жумуш графигин сактоого, курулуштун сапатына жана курулуш материалдарын жана атайын жабдууларды өз убагында камсыз кылууга өзгөчө көңүл бурулду.
Каракол – Эңилчек автожолу транспорттук инфраструктураны өнүктүрүү, алыскы калктуу конуштарга жетүүнү жакшыртуу жана Ысык-Көл аймагынын туристтик жана экономикалык потенциалын ачуу үчүн маанилүү экени белгиленди.
Жыйынтыгында Бакыт Төрөбаев подрядчыларга курулуш иштеринин жогорку сапатта жүргүзүлүшүн камсыз кылууну, долбоордун мөөнөттөрүнө көзөмөлдү күчөтүүнү жана курулушту белгиленген мөөнөттө бүтүрүү үчүн зарыл чараларды көрүүнү тапшырды.
