Египетте чет өлкөлүк жарандардын өлкөдө жүрүү эрежелеринин өзгөрүшүнө байланыштуу Бишкек – Шарм-эш-Шейх багыты боюнча 2026–2027-жылдардын кышкы мезгилиндеги бардык авиакаттамдар токтотулду. Бул тууралуу «Кыргызстан аэропорттору» ААК билдирди.
Маалыматка ылайык, акыркы каттам быйыл 5-ноябрда аткарылат.
“Буга чейин билет сатып алган жүргүнчүлөргө акчаны кайтарып алуу, сапарды башка күнгө жылдыруу же альтернативдүү каттамдар боюнча маалымат алуу үчүн авиакомпанияларга жана туристтик операторлорго кайрылуу сунушталат”, – деп айтылат маалыматта.
Бул багыттагы авиакаттамдардын кайра жанданышы тууралуу кошумча маалымат берилет.
