Кытайдын аймагында катталган жер титирөө Кыргызстанда да сезилди. Бул тууралуу КР Улуттук илимдер академиясынын Сейсмология институту билдирди.
Маалыматка ылайык, жер титирөө 29-июлда саат 12:09да катталып, очогунда күчү 5 баллды түзгөн.
Жер титирөөнүн очогу Кытайдын аймагында, Какшаал-Тоо кырка тоосунун аймагында жайгашкан. Ал Бедел айылынан 35 чакырым чыгышта, Ыштык айылынан 43 чакырым түштүк-чыгышта, “Кумтөр” кенинен 70 чакырым түштүк-чыгышта жана Каракол шаарынан 115 чакырым түштүк-чыгышта болгон.
Жер титирөө Бедел жана Ыштык айылдарында 3 балл, ал эми “Кумтөр” кенинде 2 балл күчүндө сезилген.
