АКШнын мамлекеттик катчысы Марко Рубио Вашингтон Ормуз кысыгы боюнча сүйлөшүүлөргө катышып жатканын билдирди. Анын айтымында, Иран менен Омандын өкүлдөрү кысык аркылуу кемелердин коопсуз өтүшүн камсыздоо боюнча иш алып барууда.
Рубио сүйлөшүүлөрдө жылыш бар экенин белгилеп, акыркы макулдашуу жакын арада жетишилет деген үмүтүн билдирди. Ал эми АКШнын каржы министри Скотт Бессент келишимге шейшемби же шаршемби күнү эле жетишүү мүмкүн экенин айтты.
Ошол эле учурда Иран түздөн-түз АКШ менен сүйлөшүүлөрдү жүргүзүп жатканын четке кагууда. Бирок өлкөнүн Тышкы иштер министрлиги Оман аркылуу жүргүзүлүп жаткан сүйлөшүүлөр техникалык жана саясий деңгээлде уланып жатканын маалымдады.
