Баткен шаарында 1999-жылдагы жана 2021–2022-жылдардагы Баткен окуяларында курман болгон милиция кызматкерлеринин жаркын элесине арналган Кыргыз Республикасынын ИИМдин волейбол боюнча чемпионаты жыйынтыкталды.
Мелдешке өлкөнүн аймактарындагы ички иштер органдарынан 9 команда катышты. Иш-чарага Кыргыз дене тарбия «Динамо» коомдук бирикмесинин төрагасынын биринчи орун басары, милициянын отставкадагы полковниги Төрөкул Мадалиев, Баткен ОИИБдин башчысы, милициянын полковниги Улан Жукенов жана курман болгон кызматкерлердин жакындары катышты.
Мелдештин жыйынтыгында:
1-орун — КР ИИМдин борбордук аппараты;
2-орун — ИИМдин Жол кыймылынын коопсуздугун камсыздоо башкы башкармалыгы;
3-орун — КР ИИМдин Ички аскерлери.
Жеңүүчүлөргө кубок, медаль, диплом жана акчалай сыйлыктар тапшырылды. Ошондой эле мелдеште активдүүлүгү менен айырмаланган спортчулар бир катар атайын номинациялар боюнча сыйланышты.
