Бишкек шаарында Фрунзе көчөсүнүн А. Сүйүмбаев көчөсүнөн Ибраимов көчөсүнө чейинки бөлүгү оңдоп-түзөөдөн кийин унаа кыймылы үчүн ачылды.
Оңдоп-түзөө иштеринин жүрүшүндө жолдун эски асфальт-бетон жабындысы алынып, негизги катмары бекемделди. Ошондой эле инженердик тармактарды оңдоо иштери жүргүзүлүп, жолго жаңы асфальт-бетон төшөлдү.
Мындан тышкары, жол инфраструктурасынын айрым элементтери жаңыртылды.
Тиешелүү департаменттин маалыматына караганда, шаардагы жолдорду оңдоо иштери бекитилген графикке ылайык улантылууда.
Негизги максат — жол кыймылынын коопсуздугун камсыз кылуу, жолдордун сапатын жакшыртуу жана Бишкектин транспорттук инфраструктурасын өнүктүрүү.
