Бишкекте 21–22-август күндөрү кыргыз элинин улуу эпосу «Манас» музыкалык-хореографиялык спектакль аркылуу тартууланат.
Спектаклдин салтанаттуу ачылышы 21-августта Т. Сатылганов атындагы Кыргыз улуттук филармониясынын Чоң залында өтөт. Анда Кытайдын Синьцзян-Уйгур автономиялуу районундагы Кызыл-Суу Кыргыз автономдук облусунун ыр-бий ансамбли өнөрүн тартуулайт.
Музыкалык-хореографиялык спектаклде музыка, бий жана сахна өнөрү аркылуу «Манас» эпосунун көркөм дүйнөсү чагылдырылат.
Иш-чара Кыргызстан менен Кытайдын ортосундагы маданий-гуманитардык байланыштарды чыңдоого жана чыгармачылык кызматташтыкты өнүктүрүүгө багытталган.
Спектакль 21–22-августта саат 19:00дө өтөт. Көрүүчүлөр үчүн кирүү акысыз.
