Бүгүн, 20-августта МинКаб Төрагасынын орун басары — айыл чарба министри Эрлист Акунбековдун төрагалыгында министрликтин коллегиялык жыйыны өттү.
Жыйында 2026-жылдын биринчи жарым жылдыгынын жыйынтыктары, оруп-жыйноо иштеринин жүрүшү жана күзгү айдап-себүү кампаниясына даярдык маселелери каралды.
Айыл чарба өндүрүүчүлөрүн үрөн, күйүүчү-майлоочу материалдар, минералдык жер семирткичтер жана башка керектүү ресурстар менен камсыз кылуу, ошондой эле техникалардын даярдыгы талкууланды.
Мындан тышкары, азык-түлүк коопсуздугун камсыз кылуу, агроөнөр жай комплексин 2030-жылга чейин өнүктүрүү программасы жана «Агросмарт» мамлекеттик ишканасынын ишмердүүлүгү каралды.
Жыйындын соңунда Эрлист Акунбеков оруп-жыйноо жана күзгү талаа иштерин өз убагында, уюшкандыкта өткөрүп, дыйкандарды керектүү ресурстар менен камсыз кылууну тапшырды.
