Монголиянын президенти Ухнаагийн Хурэлсух VI Дүйнөлүк көчмөндөр оюндарынын ачылыш аземине катышуу үчүн Кыргызстанга келет.
Бул тууралуу президент Садыр Жапаров бүгүн, 26-августта, Монголиянын Кыргызстандагы атайын жана ыйгарым укуктуу элчиси Тэгшжаргал Дэмчигдин ишеним грамоталарын кабыл алуу учурунда билдирди.
Мамлекет башчысы Ухнаагийн Хурэлсухту алдыдагы Шанхай кызматташтык уюмунун (ШКУ) жана “ШКУ+” саммиттерине, ошондой эле Көчмөндөр оюндарынын ачылыш аземине катышуу үчүн Кыргызстанда күтүп жатканын белгиледи.
VI Дүйнөлүк көчмөндөр оюндары Кыргызстанда 31-августтан 6-сентябрга чейин өтөт.
