Россия Федерациясынын президенти Владимир Путин Кыргыз Республикасына келди. Анын учагы бүгүн, 31-августта, “Манас” эл аралык аэропортуна конду.
Россия лидерин “Манас” аэропортунан Кыргыз Республикасынын Министрлер Кабинетинин төрагасы Адылбек Касымалиев тосуп алды.
Аэропортто Владимир Путинди ардак кароолдун коштоосунда улуттук кийимчен кыздар тосуп алышты. Конокко кыргыз элинин меймандостугун символдоштурган салттуу боорсок жана бал тартууланды.
Мындан тышкары, Россия президентине VI Дүйнөлүк көчмөндөр оюндарынын тумары белекке берилди.
Владимир Путиндин Кыргызстанга сапары өлкөнүн Эгемендүүлүк күнүнө жана Бишкекте өтүп жаткан эл аралык иш-чараларга туш келди.
