Кыргызстандын Өзгөчө кырдаалдар министрлигинде жарандар үчүн заманбап шарттар түзүлгөн жаңыланган коомдук кабылдама ишин баштады.
Кабылдама жарандардын көйгөйлүү маселелерин ыкчам кароого, сунуш-пикирлерин түз жеткирүүгө жана министрликтин жетекчилиги менен түз байланышууга мүмкүнчүлүк берет.
Бул иш Кыргыз Республикасынын Президентинин 2026-жылдын май айындагы №181 жарлыгын ишке ашыруунун алкагында жүргүзүлдү. Негизги максат — мамлекеттик органдар менен жарандардын ортосундагы байланышты күчөтүп, элдин кайрылууларын өз убагында жана натыйжалуу кароо.
Жарандар кабылдама аркылуу министрликтин жетекчилигине кайрылып, сунуштарын жана сын-пикирлерин түз билдире алышат.
Мындан тышкары, кабылдамада жайгаштырылган QR-код аркылуу министрге түз кайрылып, коррупциянын алдын алуу боюнча маалыматтарды, ошондой эле сунуш жана сын-пикирлерди жөнөтүүгө мүмкүнчүлүк түзүлдү.
