БУУнун Башкы Ассамблеясынын 81-сессиясынын алкагында Кыргызстандын тышкы иштер министри Жээнбек Кулубаев Румыниянын тышкы иштер министри Оана-Сильвия Цою менен жолугушту.
Тараптар кыргыз-румын саясий диалогун өнүктүрүү, жогорку деңгээлдеги өз ара сапарларды уюштуруу жана 2026–2028-жылдарга карата биргелешкен иш-аракеттер планын ишке ашыруу маселелерин талкуулашты. Ошондой эле соода-экономикалык жана инвестициялык кызматташтыкты кеңейтүү, ишкер чөйрөлөрдүн түз байланыштарын өнүктүрүү маселелери каралды.
Румыния тарап Кыргызстанды 2027–2028-жылдарга БУУнун Коопсуздук Кеңешинин туруктуу эмес мүчөсү болуп шайланышы менен куттуктады.
Жээнбек Кулубаев Румыниянын тышкы иштер министрин Кыргызстанга сапар менен келүүгө жана 2027-жылы өтө турган «Бишкек+25» Экинчи Дүйнөлүк тоо саммитине катышууга чакырды.
