Күн мурун, 28-сентябрда Министрлер Кабинетинин Төрагасынын орун басары — айыл чарба министри Эрлист Акунбеков Калифорния штатынын Бизнес жана экономикалык өнүгүү башкармалыгынын (GO-Biz) өкүлү Патриша Уттербек менен жолугушту. Бул тууралуу Суу ресурстары, айыл чарба жана кайра иштетүү өнөр жайы министрлиги билдирди.
Маалыматка ылайык, жолугушууда Кыргызстан менен Калифорниянын ортосундагы соода-экономикалык жана инвестициялык кызматташтыкты өнүктүрүү, ошондой эле ишкердик байланыштарды кеңейтүү маселелери талкууланды.
Тараптар өз ара пайдалуу өнөктөштүктү кеңейтүү, Кыргызстанга инвестиция тартуу жана келечектеги кызматташтыктын мүмкүн болгон багыттары боюнча пикир алышты.
