Кыргызстанда 2025-жылы жакырчылыктын деңгээли 24%га чейин төмөндөп, жумушсуздук 3,7% түздү. Мындай маалыматты Эмгек, социалдык камсыздоо жана миграция министрлиги Улуттук статистика комитетине шилтеме берип жарыялады.
Маалыматка ылайык, жумушсуздардын саны 104,7 миң адам.
Министрлик 2030-жылга чейин Кыргызстанда жакырчылыкты азайтуу жана иш менен камсыз кылууга көмөктөшүү боюнча программаны бекитүүнү сунуштады. Программаны ишке ашыруу үчүн бюджеттен 922 млн сом бөлүү демилгесин көтөрдү.
