Бишкек шаарына Шанхай кызматташтык уюмунун башкы катчысы Нурлан Ермекбаев иш сапары менен келди. Бул тууралуу Кыргызстандын Коргоо министрлиги билдирди.
Расмий конокту “Манас” эл аралык аэропортунан Куралдуу күчтөрдүн Абадан кол салуудан коргоо күчтөрүнүн кол башчысы Талантбек Талипов тосуп алды.
Маалыматка ылайык, Нурлан Ермекбаев ШКУга мүчө мамлекеттердин коргоо министрлеринин кеңешмесине катышат.
Жыйындын жүрүшүндө аймактык коопсуздук, аскердик кызматташтык жана биргелешкен аракеттер боюнча маселелер талкууланышы күтүлүүдө.
