Нарын облусуна караштуу Ак-Талаа районунда жүгөрү айдоо акыркы жылдары кайрадан колго алына баштады. Бул тууралуу Суу ресурстары, айыл чарба жана кайра иштетүү өнөр жайы министрлиги маалымдады.
Маалыматка ылайык, Нарын облусундагы Ак-Талаа районунда жазгы талаа иштери активдүү жүрүп жатат. Райондун жалпы айдоо аянты 15 216 гектарды түзөт.
Пландалган айдоо көлөмү төмөнкүчө:
– буудай — 2208 га
– арпа — 3025 га
– сулу — 8 га
– сафлор — 129,5 га
– жүгөрү — 7 га
– картошка — 198 га
– жашылча — 70 га
– көп жылдык чөп — 10 317 га
Белгилей кетсек, Ак-Талаа районунда дээрлик 30 жылдан бери жүгөрү айдалбай келген. Акыркы эки жылда бул өсүмдүктү кайра айдоо жанданып, тармак акырындык менен өнүгүүдө.
