Өзгөчө кырдаалдар министрлиги өлкөдө аба ырайынын туруксуздугуна байланыштуу чукул билдирүү таратты.
Синоптиктердин маалыматына ылайык, 30-апрель түштөн кийин, ошондой эле 1–2-май күндөрү тоо этектеринде жана тоолуу аймактарда айрым жерлерде нөшөрлүү жаан жаашы күтүлөт.
ӨКМ бул учурда Ош, Жалал-Абад, Баткен, Нарын жана Ысык-Көл облустарында сел жүрүү коркунучу бар экенин эскертет.
Мындан тышкары, дарыяларда суунун деңгээли көтөрүлүшү мүмкүн.
Жарандарга коопсуздук эрежелерин сактоо, дарыя жээктерине жакындабоо жана тоолуу аймактарда этият болуу сунушталат.
