Париж шаарында өткөн “Чоң жетилик” (G7) өлкөлөрүнүн каржы министрлери жана борбордук банктарынын жетекчилеринин эки күндүк жыйыны жыйынтыкталды. Анын алкагында дүйнөлүк экономикага байланыштуу негизги коркунучтар боюнча биргелешкен чечим кабыл алынды.
Документте Иран айланасындагы чыңалуу дүйнөлүк экономикалык өсүшкө жана инфляцияга кошумча тобокелдик жаратып жатканы белгиленди. G7 өлкөлөрү бул маселеге биргелешип жооп кайтаруу зарылдыгын баса белгилешти.
Мындан тышкары, жыйында Claude Mythos сыяктуу жаңы муундагы жогорку өндүрүмдүү жасалма интеллект моделдеринин финансылык системаларга тийгизе турган коркунучтары дагы талкууланды. G7 өлкөлөрү маалымат алмашууну күчөтүп, бул жаатта мыкты тажрыйбаларды иштеп чыгууга ниеттенишүүдө.
Жолугушуу жыйынтыгында ошондой эле стратегиялык мааниге ээ минералдарды экспорттоого коюлуп жаткан чектөөлөр дүйнөлүк жеткирүү чынжырларына терс таасирин тийгизип жатканы айтылды. Бул маселе боюнча негизинен Кытай көздөөлөрү белгиленүүдө.
Жыйындан кийин Япониянын каржы министри Катаяма Сацуки Жакынкы Чыгыштагы кырдаал Азия өлкөлөрүнө өзгөчө таасир этерин айтып, аймактын мунай жана суюлтулган газ боюнча көз карандылыгы жогору экенин белгиледи.
