Кыргызстанда Starlink спутник интернети иштей баштады. Компаниянын расмий сайтында эми Кыргызстан спут интернетине кошулууга мүмкүн болгон аймак катары белгиленди.
Сервистин расмий картасында кыргыз жана орус тилдеринде «Кыргызстан» баракчасы пайда болуп, биздин өлкөнүн кардарлары ала турган тармак жана кызматтар тууралуу маалымат берилди.
Starlink — бул Илон Маск тарабынан негизделген америкалык SpaceX аэрокосмостук компаниясы иштеп чыккан спутниктик интернеттин глобалдык тутуму. Анын максаты — интернет байланышы ишеничсиз, кымбат же такыр жеткиликсиз болгон жерлерди жогорку ылдамдыктагы кең тилкелүү интернет менен камсыз кылуу.
