Чолпон-Ата шаарында өтүп жаткан «Цивилизациялык бурулуш доорундагы дүйнө: келечекке бирге» аттуу Эл аралык Ысык-Көл форумунун алкагында кытай адабиятынын көрүнүктүү өкүлү, адабият боюнча Нобель сыйлыгынын лауреаты Мо Яндын кыргыз тилине которулган китебинин бет ачары өттү.
Иш-чарага форумдун катышуучулары, жазуучулар, окумуштуулар жана маданият ишмерлери катышып, дүйнөлүк адабияттын мыкты үлгүлөрүн кыргыз окурмандарына жеткирүүнүн мааниси белгиленди.
Белгилей кетсек, учурда Чолпон-Ата шаарында «Цивилизациялык бурулуш доорундагы дүйнө: келечекке бирге» деген темада Эл аралык Ысык-Көл форуму өтүүдө. Форумга дүйнөнүн 17 өлкөсүнөн келген саясатчылар, окумуштуулар, жазуучулар, маданият ишмерлери жана эл аралык уюмдардын өкүлдөрү катышууда.
Иш-чара Чыңгыз Айтматов негиздеген диалог аянтчасынын 40 жылдыгына арналган. Форум маданияттар аралык кызматташтыкты чыңдоого, гуманисттик баалуулуктарды жайылтууга жана дүйнөлүк өнүгүүнүн актуалдуу маселелерин талкуулоого багытталган.
