Кыргызстан мусулмандар Дин башкармалыгы 2027-жылы Сауд Аравиясына ажылык сапарына бара турган жарандарды ташуу боюнча авиакомпанияларды тандоо үчүн ачык сынак жарыялады.
Муфтияттын маалыматына ылайык, документтер 2026-жылдын 27-июлунан 24-августуна чейин саат 17:00гө чейин кабыл алынат. Белгиленген мөөнөттөн кийин берилген арыздар каралбайт.
Тандоо сынагы 2026-жылдын 27-августунда саат 10:00дө Бишкек шаарындагы Жибек-Жолу көчөсү, 264/3 дарегинде жайгашкан Муфтияттын жаңы кеңсесинин жыйындар залында өтөт.
Сынакка катышуунун талаптары боюнча кеңири маалыматты Муфтияттан 0778 48 61 67 жана 0708 48 61 67 телефондору аркылуу же [email protected] электрондук почтасы аркылуу алууга болот.
