Дүйнөлүк рынокто мунайдын баасы төмөндөөдө. Буга АКШ менен Ирандын ортосундагы тынчтык сүйлөшүүлөрүндө оң жыйынтык болушу мүмкүн деген күтүүлөр таасир этүүдө.
Акыркы маалыматтарга ылайык, Лондондогу ICE Futures биржасында Brent үлгүсүндөгү мунайдын баасы баррелине 79,01 долларга чейин түштү. Ал эми Нью-Йорктогу NYMEX биржасында WTI үлгүсүндөгү мунайдын сентябрь айындагы фьючерстери 75,28 доллар болуп, төмөндөө уланды.
Эксперттердин баамында, мунай рыногундагы өзгөрүүгө АКШ менен Ирандын сүйлөшүүлөрү боюнча оптимисттик күтүүлөр негизги фактор болууда.
