Япониянын түштүк-батышындагы Окинава жана Амами аралдарына №13 күчтүү тайфун жакындап, синоптиктер катуу шамал, нөшөрлүү жаан, бийик толкун жана жер көчкү коркунучу тууралуу эскертишти.
Жапониянын метеорология башкармалыгынын маалыматына караганда, тайфун жума күнү саат 17:00дө Окинава префектурасындагы Наго шаарына жакын жерде болуп, саатына болжол менен 15 чакырым ылдамдыкта батышты көздөй жылган.
Тайфундун борборуна жакын жерде шамалдын ылдамдыгы 162 км/саатка, ал эми шамалдын күчөгөн учурларында 216 км/саатка чейин жетүүдө.
Окинавада 24 саат ичинде жаан-чачындын көлөмү 200 ммге, Амами жана Кюсю аралынын түштүгүндө 180 ммге чейин жетиши мүмкүн. Адистер калкты сел, суу ташкыны, дарыялардын ташып кетиши жана жер көчкү коркунучунан сак болууга чакырышты.
