Бишкектин бюджетинин киреше бөлүгү акыркы беш жылда дээрлик 5,6 эсеге көбөйдү. Бул тууралуу Бишкек мэриясынын 2026-жылдын биринчи жарым жылдыгындагы социалдык-экономикалык өнүгүүнүн жыйынтыгы боюнча коллегиялык жыйынында маалымдалды.
2026-жылга шаардын бюджетинин такталган планы 47,8 млрд сомду түзөт. Жылдын биринчи алты айында бюджетке 22,6 млрд сом түшүп, план 115,1% аткарылган. Башкача айтканда, пландан 3 млрд сомго көп каражат түшкөн.
Салыктык кирешелер 14,4 млрд сомду түзүп, өткөн жылдын ушул мезгилине салыштырмалуу 5 млрд сомго көбөйгөн. Ал эми салыктык эмес кирешелер боюнча план 103,3% аткарылган.
Мэрия бюджеттин киреше бөлүгүн көбөйтүү жана анын туруктуу өсүшүн камсыз кылуу негизги багыттардын бири экенин белгиледи.
