VI Дүйнөлүк көчмөндөр оюндары учурунда көрүүчүлөр көк бөрү жана көкпар мелдештерин спортчулардын көзү менен көрө алышат. Бул үчүн улакчылардын баш кийимдерине POV-камералар орнотулуп, оюндар биринчи жактан тартылат.
Жаңы технологиянын жардамы менен көрүүчүлөр оюндун ылдамдыгын, серкенин талашын жана спортчулардын бетме-бет күрөштөгү эмоцияларын түздөн-түз оюн талаасынан көрүүгө мүмкүнчүлүк алышат.
Маалыматка ылайык, технологияны “Nomad TV” жана Кыргызстандын Көк бөрү федерациясы биргеликте ишке киргизди.
Эске салсак, көк бөрү боюнча мелдештер 2–6-сентябрь күндөрү атайын аренада өтөт. Көкпар оюндары күн сайын саат 09:00дөн 11:00гө чейин, ал эми көк бөрү боюнча беттештер 14:00дөн 18:00гө чейин уюштурулат.
Мелдештердин финалдык оюндары 6-сентябрда өтөт:
11:00–13:00 — көкпар боюнча финал;
14:00–16:00 — көк бөрү боюнча финал.
2–5-сентябрда мелдештерди көрүү акысыз болот. Ал эми 6-сентябрдагы финалдык оюндарга бирдиктүү билет талап кылынат.
