2026-жылдын январь–июнь айларында Кыргызстандан чет өлкөлөргө 558,6 миң чарчы метр терезе пардалары жана аларга тиешелүү жасалгалар экспорттолду. Бул тууралуу Улуттук статистика комитети билдирди.
Салыштыруу үчүн, 2025-жылдын ушул эле мезгилинде экспорттун көлөмү болгону 2,7 миң чарчы метрди түзгөн. Бир жыл ичинде парда экспорту дээрлик 207 эсеге көбөйгөн.
Кыргызстанда өндүрүлгөн пардалардын негизги бөлүгү Орусияга жөнөтүлгөн — 536 миң чарчы метр. Андан кийинки орунда Өзбекстан турат, ага 22,4 миң чарчы метр продукция экспорттолгон.
Мындан тышкары, кыргызстандык пардалардын аз көлөмүн Италия жана Ирландия да сатып алган.
