Манас шаарындагы «Азаттык» аянтында VI Дүйнөлүк көчмөндөр оюндарынын салтанаттуу ачылыш аземи түз эфирде көрсөтүлөт.
Маалыматка ылайык, иш-чара 31-августта саат 20:00дө башталат. Ачылыш аземинин түз эфири аянтка орнотулган чоң экран аркылуу көрсөтүлөт.
Иш-чара Кыргызстандын Эгемендүүлүк күнүнө карата уюштурулган майрамдык программага киргизилген.
Шаар тургундары жана коноктору Көчмөндөр оюндарынын ачылыш аземин аянттан чогуу көрө алышат.
