29-майдан 8-июнга чейин Бишкек шаарында жана Ысык-Көлдүн жээгинде VI Эл аралык “Наристе” балдар фольклор фестивалы өтөт.
Иш-чарага Кыргызстан, Казакстан, Түркия, Түштүк Корея, Өзбекстан, Монголия, Румыния жана башка өлкөлөрдөн келген балдар жана жаштардын чыгармачыл топтору катышат. Ошондой эле Россиянын бир катар шаарларынын өкүлдөрү да келет.
Фестивалдын салтанаттуу ачылышы 31-майда Бишкекте өтүп, 1-июнда Эл аралык балдарды коргоо күнүнө арналган чоң концерт уюштурулат. Программада элдик бийлер, музыка, мастер-класстар, көргөзмөлөр жана маданий жолугушуулар камтылган.
Иш-чаранын айрым бөлүгү Ысык-Көлдө өтүп, фестивалдын жабылышы да көл жээгинде болот.
