22-майда Жогорку Кеңештин Төрагасы Марлен Маматалиев Санкт-Петербург шаарында Беларусь Республикасынын Улуттук жыйынынын Республикалык кеңешинин Төрайымы Наталья Кочанова менен жолугушту.
Тараптар парламенттер аралык кызматташтыкты, соода-экономикалык байланыштарды жана тажрыйба алмашуу маселелерин талкуулашты.
Марлен Маматалиев Кыргызстан менен Беларусь ортосундагы кызматташтыкты кеңейтүүгө кызыкдар экенин билдирип, медициналык багыттагы кызматташтыкка да көңүл бурду.
Өз кезегинде Наталья Кочанова кыргыз-беларусь алакалары жаңы деңгээлге чыкканын белгилеп, кызматташууну мындан ары да бекемдөөгө даяр экенин айтты.
