Бүгүн, 3-июнда Министрлер Кабинетинин Төрагасы Адылбек Касымалиевдин жана Башкы прокурор Максат Асаналиевдин катышуусунда Баткен облусунун прокуратурасынын жаңы административдик имараты пайдаланууга берилди.
Иш-чаранын ачылышында Адылбек Касымалиев куттуктоо сөзүн сүйлөп, өзгөчө стратегиялык мааниге ээ болгон Баткен областында прокуратура органдарынын материалдык-техникалык базасын чыңдоо мамлекеттин укук коргоо системасын өнүктүрүүдөгү маанилүү багыттардын бири экенин белгиледи.
Административдик имарат эки кабаттуу болуп курулуп, кызматкерлердин иштөөсү үчүн бардык шарттар түзүлдү. Курулуш республикалык бюджеттин эсебинен каржыланды. 
