Кыргыз Республикасынын Президенти Садыр Жапаров Катар Мамлекетинин Эмири шейх Тамим бин Хамад Аль Таниге атасынын дүйнөдөн кайткандыгына байланыштуу көңүл айтты.
Мамлекет башчысы өзүнүн телеграммасында маркум шейх Хамад бин Халифа Аль Танинин мезгилсиз дүйнөдөн кайтканы тууралуу суук кабарды терең кайгыруу менен кабыл алганын белгиледи.
Президент шейх Хамад бин Халифа Аль Тани Катар Мамлекетинин дүйнөлүк аренадагы аброюн жогорулатууга, өлкөнүн өнүгүшүнө жана элинин бакубат жашоосуна чоң салым кошкон мамлекеттик ишмер болгонун белгиледи.
Ошондой эле ал шейх Хамаддын даанышмандыгы, камкордугу жана боорукердиги ар дайым үлгү болуп каларын айтып, анын жалпы адамзат үчүн жасаган эмгектери унутулбай турганын белгиледи.
Садыр Жапаров шейх Тамим бин Хамад Аль Таниге, анын үй-бүлөсүнө жана Катар элине кыргыз элинин атынан терең көңүл айтып, аза кайгысын тең бөлүшөрүн билдирди.
