Шанхай кызматташтык уюмунун саммити жана VI Дүйнөлүк көчмөндөр оюндарына байланыштуу Бишкектин айрым көчөлөрүндө унаа кыймылына убактылуу чектөө киргизилет.
Бишкек мэриясынын маалыматына караганда, чектөө 30-августтан тарта төмөнкү жол тилкелеринде колдонулат:
Манас көчөсү — “Манас” эл аралык аэропортунан Чүй проспектисине чейин;
Манас көчөсү — Чыңгыз Айтматов проспектисине чейин;
Чыңгыз Айтматов проспекти — Чүй проспектисинен Семетей көчөсүнө чейин;
Жибек жолу проспекти — Манас көчөсүнөн Жусуп Абдрахманов көчөсүнө чейин;
Жусуп Абдрахманов көчөсү — Жибек жолу проспектисинен Семетей көчөсүнө чейин;
Аалы Токомбаев проспекти — Жусуп Абдрахманов көчөсүнөн Барпы Алыкулов көчөсүнө чейин.
Мындан тышкары, иш-чаралар өтүп жаткан учурда “Бишкек Арена” стадионуна жакын аймактардагы айрым жол тилкелеринде да кыймыл чектелет.
Муниципалитет шаар тургундарын жана конокторун убактылуу чектөөлөрдү эске алып, каттамдарын алдын ала пландаштырууга чакырды.
Эскертүү: Жол кыймылындагы чектөөлөр иш-чаралардын коопсуз өтүшүн камсыздоо максатында киргизилүүдө.
