Кыргыз улуттук “Манас” театры жана “Көйкашка” коомдук фонду 30 жашка чейинки төкмө акындар арасында республикалык “Жаш булбул” айтышын өткөрөт.
Иш-чара Кыргыз Республикасынын Президентинин “Улуттук дем – дүйнөлүк бийиктик” уңгужолу жөнүндө Жарлыгын ишке ашыруу максатында уюштурулууда.
Айтыштын тандоо туру 18-сентябрда саат 09:00дө Кыргыз улуттук «Манас» театрынын концерттик залында өтөт. Дареги: Бишкек шаары, Самойленко көчөсү, 2/9.
Тандоо турунун жыйынтыгында финалга жолдомо алган жаш акындар аныкталат.
Ал эми “Жаш булбул” айтышынын финалы 26-сентябрда саат 14:00дө Асман паркынын амфитеатрында өтөт.
Уюштуруучулардын айтымында, сынак жаш таланттарды колдоого, төкмөлүк өнөрдү өнүктүрүүгө жана улуттук чыгармачылык салттарды улантууга багытталган.
