Үстүбүздөгү жылдын январь–июль айларында Кыргызстандан 1 млрд 664,5 млн долларлык товар экспорттолду. Бул көрсөткүч өткөн жылдын ушул мезгилине салыштырмалуу дээрлик 3 пайызга көп.
Улуттук статистика комитетинин маалыматына караганда экспорттолгон товарлардын 41 пайызы ЕАЭБге мүчө мамлекеттерге жөнөтүлгөн.
Кыргызстандын продукциясын эң көп сатып алган өлкө Россия болду. Андан кийинки орундарда Швейцария жана Казакстан турат.
