Бишкекте Кыргызстан менен Улуу Британиянын тышкы иштер ведомстволорунун өкүлдөрү БУУнун Коопсуздук Кеңешинин күн тартибиндеги маселелер боюнча консультация өткөрүштү.
Министрликтен билдиргендей жолугушуу 7-октябрда болуп, анда тараптар эл аралык күн тартибиндеги актуалдуу маселелерди, анын ичинде Коопсуздук Кеңешинин ишинин артыкчылыктуу багыттарын талкуулашты.
Ошондой эле Кыргызстандын 2027–2028-жылдарга БУУнун Коопсуздук Кеңешине мүчөлүгүнө даярдыгы жана Кеңешке мүчө мамлекеттер менен өз ара аракеттенүү маселелери каралды.
Жыйынтыгында тараптар БУУнун алкагында мындан ары да конструктивдүү кызматташтыкты улантууга даяр экенин билдиришти.
