Бишкекте «АгроТехЭкспо – 2026» жана «Алтын күз» көргөзмө-жарманкелерине байланыштуу 21–25-октябрь күндөрү айрым көчөлөр убактылуу жабылат.
Чектөөлөр төмөнкү тилкелерде киргизилет:
- Раззаков жана Орозбеков көчөлөрүндө — Чүй проспектинен Фрунзе көчөсүнө чейин;
- Эски аянтта — Эркиндик бульварынан Панфилов көчөсүнө чейин;
- Кыргыз улуттук академиялык драма театрынын айланасында.
Мындан тышкары, Тышкы иштер министрлигинин эски имаратынын аймагында атайын унаа токтотуучу жай уюштурулат.
Көргөзмө-жарманкелер 23–25-октябрь күндөрү өтөт.
