Кыргызстандын музей мекемелеринин жетекчилери Беларусиянын Минск жана Несвиж шаарларында өтүп жаткан «КМШ мейкиндигиндеги музейдик демилгелер» аттуу II эл аралык илимий-практикалык конференцияга катышууда.
2026-жылдын 20–22-октябрында уюштурулган иш-чара Көз карандысыз Мамлекеттер Шериктештигинин (КМШ) түзүлгөндүгүнүн 35 жылдыгына арналган.
Конференциянын алкагында КМШга мүчө мамлекеттердин музей тармагындагы өкүлдөрү музей ишмердүүлүгүн өнүктүрүү, тарыхый-маданий мурастарды сактоо жана жайылтуу, ошондой эле заманбап технологияларды жана жаңы ыкмаларды киргизүү маселелерин талкуулашууда.
Иш-чаранын жүрүшүндө катышуучулар музей тармагындагы ийгиликтүү тажрыйбалар менен бөлүшүп, тарыхый-маданий мурастарды сактоо, музейлердин коомдогу ролун жогорулатуу жана биргелешкен маданий долбоорлорду ишке ашыруу боюнча пикир алмашууда.
