VI Дүйнөлүк көчмөндөр оюндарынын 2-сентябрдагы жыйынтыгы боюнча Кыргызстан медалдык эсепте ишенимдүү түрдө биринчи орунда келе жатат.
Кыргызстандын спортчулары учурда 9 алтын, 6 күмүш жана 2 коло медаль багындырып, жалпы 17 медаль топтошту.
Медалдык эсепте экинчи орунда Орусия келе жатат. Орусиянын капчыгында жалпы 12 медаль бар. Ал эми Казакстан 7 медаль менен үчүнчү орунда жайгашты.
Медалдык эсеп:
Кыргызстан — 17 медаль: 9 алтын, 6 күмүш, 2 коло
Орусия — 12 медаль
Казакстан — 7 медаль
VI Дүйнөлүк көчмөндөр оюндары 31-августта башталып, 6-сентябрга чейин уланат. Мелдештер өлкөнүн бир катар аймактарындагы спорттук аянтчаларда өткөрүлүүдө.
