Кыргызстандын белгилүү ырчысы Мирбек Атабеков VI Дүйнөлүк көчмөндөр оюндарынын ачылыш аземи жогорку деңгээлде өткөнүн белгилеп, бул тарыхый учур ага чоң таасир бергенин айтты.
“Сүйүнүчтөн, бакыттан ыйладык. Бизде мурда болуп көрбөгөндөй тарыхый учурлар болуп жатат. Канча мамлекеттен туристтер келди, мен абдан кубанычтамын”, — деди ырчы.
Ошондой эле ал Кырчын жайлоосундагы этношаарча өзгөчө таасир калтырганын белгиледи. Анын айтымында, этношаарча байыркы кыргыз шаарларын элестетип, кыргыз элинин жашоо-турмушун чагылдырат.
