Коргоо министри Руслан Мукамбетов 14–15-май күндөрү өлкөнүн түштүк-батыш аймагына иш сапар менен барып, Баткен облусундагы аскер бөлүктөрдүн абалы менен таанышты.
Министр күжүрмөн жана мобилизациялык даярдык, аскердик тартип, кызмат өтөөнүн уюштурулушу, ошондой эле материалдык-техникалык камсыздоо маселелерин текшерди.
Иш сапардын жүрүшүндө аскердик инфраструктураны жакшыртуу, курулуш жана оңдоо иштерин улантуу, ошондой эле аскер бөлүктөрүн күз-кыш мезгилине даярдоо маселелерине өзгөчө көңүл бурулду.
Руслан Мукамбетов аскер кызматчылары менен жолугушуп, алардын сунуш-пикирлерин укту жана күжүрмөн даярдыкты жогорулатууга багытталган тапшырмаларды берди.
