Алыкул Осмонов атындагы Улуттук китепкана бүгүн “Эгемендик — ыйык мурас, Уңгужол — келечекке багыт” аттуу “Китепкана түнү – 2026” коомдук-маданий иш-чарасын өткөрөт.
Маданият, маалымат жана жаштар саясаты министрлиги маалыматына ылайык, иш-чара “Улуттук дем — дүйнөлүк бийиктик” уңгужолунун алкагында жана Кыргызстандын эгемендүүлүгүнүн 35 жылдыгына арналган.
Кеченин жүрүшүндө коноктор үчүн белгилүү инсандар менен жолугушуулар, адабий жана интеллектуалдык оюндар, чыгармачыл мастер-класстар, көргөзмөлөр, шахмат мелдештери, концерттик номерлер, кино көрсөтүүлөр жана театрлаштырылган сахналык оюн-зооктор сунушталат.
Иш-чара кечки саат 18:00дө башталып, түнкү 24:00гө чейин уланат. Уюштуруучулар шаар тургундарын жана конокторду бул маданий кечеге активдүү катышууга чакырат.
