Жогорку Кеңештин депутаттары Малик Бектургановдун башкы прокурор кызматына талапкерлигин бир добуштан колдоду.
Маалыматка караганда парламенттин жалпы жыйынында президент сунуштаган талапкердин талапкерлиги каралып, аны колдоо боюнча токтом кабыл алынды. Добуш берүүгө катышкан депутаттардын бардыгы “макул” деген добуш берди.
Малик Бектурганов буга чейин Башкы прокуратуранын жетекчисинин биринчи орун басары болуп иштеп келген. Ал прокуратура органдарында көп жылдан бери эмгектенип, жетекчилик кызматтарда тажрыйба топтогон.
Эми мыйзамга ылайык, Жогорку Кеңештин макулдугунан кийин Малик Бектургановду башкы прокурор кызматына дайындоо тууралуу жарлыкка президент кол коёт.
